2

Прачытайце скорагаворку:

Жвавы вожык жыва жуку пашыў кажух.

Колькі назоўнікаў, ужытых у скорагаворцы, маюць два склады?

A) 0       Б) 2       В) 3       Г) 5       Д) 6

3

Вясёлай маланкаю ластаўка бліскае,
І просіць засмяглая кнігаўка піць.
З драздом і удодам, заранкай і пліскаю
Святлей, чалавечней нам жыць і любіць.

Прачытайце ўважліва вершаваныя радкі П. Панчанкі. Колькі назваў птушак сустрэлася ў радках?

A) 2       Б) 3       В) 4       Г) 5       Д) 6

4

Вызначце з прапанаваных прыклад, у якім напісаны толькі галосныя літары.

1) й, о, у       2) ы, ў, э       3) ь, е, і

A) усе прыклады

Б) няма такога прыкладу

В) 1

Г) 2

Д) 3

5

Штодзённа чуем:

а) родители       б) родственники       в) дядя       г) тётя

Падбярыце адпаведнікі ў беларускай мове:

1) дзядзька       2) цётка       3) бацькі       4) сваякі

A) а-1, б-2, в-3, г-4

Б) а-1, б-3, в-2, г-4

В) а-2, б-1, в-4, г-3

Г) а-3, б-4, в-1, г-2

Д) а-4, б-2, в-3, г-1

6

Мабыць, вы добра ведаеце народную заклічку.

Дожджык, дожджык, сыпані,
Спёку з поля прагані.
Я пад ліпкай пасяджу,
На лісточкі пагляджу.

Колькі дзеясловаў вы заўважылі?

A) 0       Б) 1       В) 2       Г) 3       Д) 4

7

Маруся дапамагала брату выконваць заданне, у якім неабходна было ў сказах дапісаць назоўнікі:

а) кошкі       б) мошкі       в) слупкі       г) дубкі.

Хлопчык напісаў:

1) У лесе лётаюць кошкі.

2) Палююць на мышак мошкі.

3) У дуброве растуць слупкі.

4) Ля дарогі ўкапалі дубкі.

Дапамажыце дзяўчынцы выправіць памылкі, дапушчаныя братам.

A) 1-б, 2-г, 3-а, 4-в

Б) 1-б, 2-а, 3-г, 4-в

В) 1-в, 2-б, 3-а, 4-г

Г) 1-а, 2-в, 3-г, 4-б

Д) 1-г, 2-в, 3-б, 4-а

8

Паімчаўся ручаёк міма горкі ў лясок.
Ручаёк, не бяжы, свае ножкі пакажы.

Вызначце, якой часцінай мовы з’яўляецца падкрэсленае слова ў вершаваных радках А. Пысіна.

A) назоўнікам       Б) дзеясловам       В) прыметнікам       Г) займеннікам       Д) прыслоўем

9

Травы пахнуць кветкамі,
Кветкі пахнуць зорамі,
Зоры над палеткамі –
Лесам і азёрамі.

Колькі назоўнікаў у форме множнага ліку творнага склону ў вершаваных радках П. Глебкі?

A) 3       Б) 4       В) 5       Г) 6       Д) 7

10

Выберыце з прапанаваных словы, вымаўленне якіх не супадае з напісаннем.

1) дарожка       2) галубка       3) вобраз       4) агарод

A) усе словы

Б) 1, 2

В) 2, 3

Г) 2, 4

Д) 3, 4

11

Якія літары ў беларускім алфавіце знаходзяцца паміж ш, э?

A) у, ў

Б) д, е

В) з, і

Г) б, в

Д) ы, ь

12

У якіх словах на месцы пропуску напішаце літару ы?

1) д..пламат       2) д..ялект       3) д..каратар       4) д..льфін

A) ва ўсіх словах

Б) няма такіх слоў

В) у 1, 2

Г) у 2, 3

Д) у 3, 4

13

Мікіта так хацеў хутчэй напісаць сачыненне, што забыўся паставіць у канцы кожнага сказа знак прыпынку. Колькі простых сказаў паспеў напісаць хлопчык?

Лютуе мароз снег скрыпіць пад нагамі атулены ў белую пушыстую світку бор стаіць задуменны птушкі і звяры схаваліся ад сцюжы

A) 1       Б) 2       В) 3       Г) 4       Д) 5

14

Маладая вясна,
Залатая пара!
Будзь красна і ясна,
Не шкадуй нам дабра!

Прачытайце ўважліва вершаваныя радкі Якуба Коласа. Колькі заўважылі слоў, у якіх літара я абазначае два гукі?

A) 0       Б) 1       В) 2       Г) 3       Д) 4

15

Якое значэнне адпавядае народнаму выслоўю рукі не дайшлі?

A) ‘усё ўмее рабіць’

Б) ‘не было часу зрабіць’

В) ‘добра запомніць’

Г) ‘вельмі рана’

Д) ‘не прыйсці на сустрэчу’

16

Выберыце з прапанаваных правільна напісаныя словы.

1) салаў’і       2) сямья       3) п’еса       4) п’яўкі

A) усе словы

Б) няма такіх слоў

В) 1, 2

Г) 2, 3

Д) 3, 4

17

Прачытайце ўважліва тэкст.

Зіма – пара асабліва цяжкая для лясных жыхароў. Для невялікіх звяркоў і птушак снег – гэта сховішча, якое надзейна бароніць ад завей і іншай непагадзі. Лісе і ваўку трэба доўга шукаць спажыву.

Соладка спяць зімой пад надзейнай снегавой коўдрай краты, дрэмлюць мышы-землярыйкі. Бестурботна пахрапвае ў сваёй норцы барсук. (Паводле В. Стомы.)

Колькі простых сказаў ужыта ў тэксце?

A) 1       Б) 2       В) 3       Г) 4       Д) 5

18

У якіх словах з дадзеных правільна напісана прыстаўка?

1) сбудаваць       2) рассыпаць       3) адшумеў       4) паткарміць

A) ва ўсіх словах

Б) няма такіх слоў

В) у 1, 2

Г) у 2, 3

Д) у 3, 4

19

Рассыпаў снежаньскі світанак
Срабрысты іней па зямлі.
Сняжку падкінуў ён на ганак,
Марозам лужыны зашкліў.

Прачытайце вершаваныя радкі М. Хведаровіча. У якім склоне ўжыта выдзеленае слова?

A) у назоўным склоне

Б) у родным склоне

В) у давальным склоне

Г) у вінавальным склоне

Д) у творным склоне

20

Дапоўніце народнае выслоўе:

У студзені і лютым два сябры: мароз і … .

A) адліга       Б) сонца       В) завея       Г) непагадзь       Д) цішыня

21

Дадзены назоўнікі:

1) трясогузка       2) клёст       3) мухоловка       4) зяблик

Падбярыце адпаведнікі ў рускай мове:

а) валасянка       б) берасцянка       в) крыжадзюб       г) пліска

A) 1-а, 2-б, 3-в, 4-г

Б) 1-б, 2-а, 3-г, 4-в

В) 1-в, 2-г, 3-б, 4-а

Г) 1-г, 2-в, 3-а, 4-б

Д) 1-г, 2-б, 3-в, 4-а

22

Якія з дадзеных гукаў маюць адпаведныя мяккія гукі?

1) [ш]       2) [м]       3) [р]       4) [ф]       5) [ч]

A) усе дадзеныя гукі

Б) няма з дадзеных такіх гукаў

В) 1, 2, 3

Г) 2, 4

Д) 3, 5

23

Каснік – гэта … .

A) вузкая палоска тканіны; стужка, якую ўплятаюць у касу

Б) скудлачаная пасма валасоў, воўны

В) засцерагальны галаўны ўбор у выглядзе шлема

Г) чалавек, які косіць траву

Д) травяністая расліна з доўгімі мечападобнымі лістамі і вялікімі кветкамі жоўтага, сіняга або фіялетавага колеру

24

Па-руску гавораць: “Жарить (мясо, горох, семечки)”. А як сказаць правільна па-беларуску?

A) жарыць (мяса, гарох, семкі)

Б) скварыць (мяса), паліць (гарох, семкі)

В) пячы (мяса, гарох, семкі)

Г) смажыць мяса, пражыць (гарох, семкі)

Д) смажыць (мяса), жарыць (гарох, семкі)