Прызы за ўдзел у конкурсе «Буслік-2024»

Пачынаецца дастаўка прызоў за ўдзел у гульні-конкурсе "Буслік-2024" і друкаваных выніковых пратаколаў у раённыя (гарадскія) аргкамітэты конкурсу.

Усе ўдзельнікі гульні-конкурсу па беларускай мове і літаратуры «Буслік-2024» атрымліваюць прыз "для ўсіх", які ўключае пасведчанне ўдзельніка, блакнот, лінейку-трафарэт і ручку з назвай конкурсу.

20% удзельнікаў, якія паказалі лепшыя вынікі ва ўстановах адукацыі, атрымліваюць у якасці дадатковага прыза "за высокі вынік" сувенірны медаль і адну з кніг:

✦ Белавежская пушча, або Цімох у гасцях у Дзеда Мароза для ўдзельнікаў, якія навучаліся ў 2-4 класах.

✦ Азбукоўнік: пазнавальна-навуковая, часам гульнёвая, кніжка-чытанка, камусьці забаўлянка. (Частка 2) для ўдзельнікаў, якія навучаліся ў 5-11 класах.

Выказваем падзяку настаўнікам і арганізатарам за прадстаўленую навучэнцам магчымасць прыняць удзел у гульні-конкурсе.

Дастаўку прызоў за ўдзел у гульнях-конкурсах "Кенгуру-2024" і "Лінгвісцяня-2024" плануецца пачаць у другой палове студзеня 2025 года. Просім прабачэння за доўгі час падрыхтоўкі прызоў.

Жадаем усім здароўя, добрага настрою, высокіх дасягненняў у вучобе і творчасці.