ИЗДАТЕЛЬСКАЯ ДЕЯТЕЛЬНОСТЬ
Здаем экзамен па беларускай мове
В.П. Красней, І.С. Роўда, І.Р. Шкраба
Кніга прапануе тэсты, апрабаваныя ў БДУ на ўступных экзаменах 2000 года, і адказы да іх. У залежнасці ад ступені складанасці выдзяляюцца тэсты трох узроўняў.
Для самастойнай падрыхтоўкі абітурыентаў у дапаможніку дадзены таксама тэксты і адказы да іх, па якіх правяраецца ступень сфарміраванасці арфаграфічных і пунктуацыйных навыкаў.
Акрамя тэстаў і тэкстаў тут прыведзены асноўныя правілы беларускай арфаграфіі, арфаэпічны слоўнік, складзены з улікам уплыву рускай мовы, слоўнікі блізкіх па форме, але розных па значэнні слоў.
Па дапаможніку можна займацца як пад кіраўніцтвам настаўніка, так і самастойна. Яго матэрыялы могуць быць выкарыстаны настаўнікамі школ, вучнямі і іх бацькамі для мэтанакіраванай работы па фарміраванні правапісных уменняў, удасканаленні культуры маўлення.
Упершыню кніга была надрукавана ў 2001 годзе.